 |
| Sebastián Romero Radigales, Xusto entre as Nacións (2014) |
Yad Vashem, ven de declarar hoxe 26 de maio de 2014 como "Xusto entre as Nacións" a
Sebastián Romero Radigales, cónsul xeral de España en Atenas entre os anos 1944 e 1945
que, a risco persoal, salvou da cámara de gas a non menos de 600 xudeus
sefardíes de Salónica.
Con este recoñecemento o diplomático español pasa
á categoría de heroe universal como xa son Angel Sanz Briz, embaixador de
España en Budapest, e os tamén españois
Eduardo Propper de Calello, diplomático na embaixada española en Paris; e José
Santaella e a súa dona Carmen Waltraut de Santaella (el era agregado de
agricultura en Berlín nos anos máis duros do exterminio). Esta honra é o mesmo
que ostentan, por citar un exemplo popular, Oskar Schindler, famosos
pola película de Steven Spielberg "A Lista de Schlinder".
A distinción levou catro anos de intensas investigacións por parte do Yad Vashem, investigacións que foron encetadas a petición da Fundación Raoul Wallenberg. Lembrar que Salónica foi ate a Primeira Guerra Mundial a única cidade do
mundo con maioría xudía, esencialmente sefardí.
A actuación do
cónsul Romero Radigales entre 1944 e 1945 mitigou a matanza nazi en Salónica
grazas a unha tenacidade e un valor que permitiu salvar da Shoah a
centenares de seres humanos. Con todo, máis de 45.000 xudeus de Salónica non
tiveron a mesma sorte e remataron nos fornos crematorios.
Yad Vashem informa de que aínda que
o propio Yad Vashem non dubidaba de que Romero Radigales tratou de aliviar o sufrimento
dos xudeus, para este instituto faltaba o chamado "elemento de risco", criterio
fundamental para recibir o título outorgado de "Xusto entre as Nacións".
Desde a Asociación Galega de Amizade con Israel-AGAI, asociacióon que ten coma punto fundacional a preservación da Memoria histórica da Shoah parabenizámonos publicamente pola boa nova. Romero Radigales foi un home nobre, un home xusto, que finalmente recibe o recoñecemento que merece.
Vigo, 26 de maio de 2014
