Xusto cando hai só uns días se cumpría o segundo aniversario do brutal atentado antisemita no colexio xudeu de Toulouse (Francia), no que foron asasinadas catro persoas, entre ellas tres nenos, o odio antisemita volve golpear no corazón de Europa nunha data de especial simbolismo como é a véspera das eleccións ao Parlamento Europeo.
Desde a Asociación
Galega de Amizade con Israel-AGAI queremos manifestar, amais
da nosa enérxica condea do atentado, o noso chamado á
sensibilización da sociedade civil europea e das súas autoridades
ante a evidente e a crecente virulencia do antisemitismo en toda
Europa.
O atentado que tivo lugar
hoxe no Museo xudeu de Bruxelas, no que no momento de emitir este
comunicado hai tres mortos e un cuarto ferido en estado moi grave, é
un novo aviso que debe sacudir definitivamente as políticas que
desde a UE e desde os Estados membros deben implementar con urxencia
para poñer coto a esta espiral da que non vemos a súa fin.
O fenómeno do
antisemitismo en Europa deu lugar a algúns dos episodios máis
negros da historia da humanidade. Europa, espazo de liberdade,
democracia e tolerancia, non pode permitir baixo ningún concepto a
impunidade galopante do fenómeno antisemita.
Desde a Asociación
Galega de Amizade con Israel-AGAI queremos manifestar a nosa
solidariedade cos familiares das vítimas e a nosa demanda ás
autoridades belgas dunha rápida actuación para a detención dos
culpables do atentado terrorista.
Vigo, 24 de maio de 2014.
