Yitzhak Rabín, naceu en Jerusalem en 1922, fillo dunha familia de fervorosos sionistas laboristas, finalizou os seus estudos na escola secundaria con distinción na Escola Agrícola Kaduri e entón uniuse ao Palmaj, a forza de choque de elite da organización de defensa clandestina Haganá. Instituiu a doutrina de adestramento das FDI e o estilo de liderado que pasou a ser coñecido como a orde de "síganme!". En 1962 foi designado xefe do Estado Maior e promovido ao rango de tenente xeneral. Desenvolveu a doutrina de combate das FDI, baseada no movemento e a sorpresa, que se empregou durante a Guerra do Seis Días en 1967. En xaneiro de 1968, despois de 26 anos en uniforme, Rabín deuse de baixa das FDI. Foi nomeado embaixador nos Estados Unidos en 1968 e xogou un importante papel na promoción da "cooperación estratéxica" cos Estados Unidos, que levou á masiva axuda militar estadounidense a Israel. Rabín regresou a Israel en 1973, antes da Guerra de Yom Kipur. Pasou a ser membro activo do partido Laborista; foi elixido membro da Knésset nas eleccións xerais de decembro de 1973 e foi investido ministro do Traballo no goberno formado por Golda Meir en marzo de 1974. En febreiro de 1992 o partido Laborista levou a cabo as súas primeiras eleccións primarias: Rabín foi eleito presidente do partido e, despois da vitoria electoral de 1992, comezou o seu segundo período como Primeiro Ministro e ministro de Defensa. Planificou e guiou as negociacións sobre a Declaración de Principios asinada coa OLP na Casa Branca en setembro de 1993. Isto adxudicou a Rabín, Peres e Arafat o Premio Nobel da Paz 1994 e iniciou as negociacións cos palestinos sobre a autonomía en Gaza e algunhas áreas de Judea e Samaria, e sobre o establecemento dunha Autoridade Palestina. Logo, en outubro de 1994, asinouse un Tratado de Paz co Reino de Xordania. O 4 de novembro de 1995, cando se retiraba após unha multitudinaria manifestación pola paz, Yitzhak Rabín foi asasinado por un xudeu extremista. Tiña 73 anos o día da súa morte, foi sepultado nun funeral oficial no Monte Herzl de Jerusalem, ao que asistiron líderes de todo o mundo.