Conferencia-coloquio "Os xudeus en Galicia" a cargo da profesora Gloria de Antonio Rubio*
Presenta: Pedro Gómez-Valadés, presidente de AGAI
Lugar: Sala de conferencias do Hotel México (Vía Norte 10) de Vigo
Día: mércores 17 de febreiro
Hora: 20h
*Gloria de Antonio Rubio é doutora de Historia Medieval pola UNED. Actualmente é investigadora no CSIC-Instituto de Estudios Galegos "Padre Sarmiento". Foi recoñecida internacionalmente co prestixioso premio Samuel Toledano 2008 polo seu libro "Los judios en Galicia (1044-1492)" Este premio é concedido anualmente e presentado en Xerusalén, levando o nome de Samuel Toledano, quen foi un dos grandes renovadores da comunidade xudía en España. O premio é concedido a un investigador de Israel e a outro de España, que traballan no estudo das comunidades xudías en España e nos países da diáspora sefardí: a súa historia e o seu legado cultural así como as relacións entre España e Israel. O premio está dotado de 15.000$ para cada un dos dos galardoados. A comisión do Premio estivo presidida polo Sr. D. Isaac Navón, quen fora quinto Presidente do Estado de Israel e a compoñen destacados membros do campo académico e personalidades do ámbito público (político, cultural, etc.) israelí. O 9 de novembro de 2008, a profesora Gloria de Antonio recollera na capital israelí o premio de mans de Isaac Navón e Tzipi Livni.
