O director executivo da multinacional francesa de telefonía móbil Orange, Stephane Richard, manifestou que ten previsto rachar a relación da súa compañía co operador israelí, que paga para usar o seu nome, "mañá mesmo se puidese".
Richard realizou esas declaracións durante unha conferencia no Cairo onde expuxo os plans de Orange para os próximos anos en Exipto. O director executivo da empresa francesa dixo que a intención da compañía é retirar a marca Orange de Israel canto antes; pero que esa medida tomará tempo.
"A nosa intención é retirarnos de Israel. Tomará un tempo pero sen dúbida farémolo", expresou. "Estou decidido e preparado para facelo mañá pola mañá".
As declaracións do executivo francés teñen lugar en tanto que os líderes israelís parecen empezar a espertarse sobre o alcance das mobilizacións do movemento antiisraelí Boicot, Desinversións e Sancións (BDS), que busca deslexitimar e illar a Israel.
A viceministra, Tzipi Hotovely, escribiu ao director executivo de Orange pedíndolle aclaracións polas súas manifestacións.
"Debo admitir que colleume por sorpresa estas novas que proveñen dunha empresa global responsable como Orange", escribiu. "Estou certa de que estes informes non reflicten a intención da súa empresa. Por conseguinte, ínstolle a clarificar o asunto axiña que como sexa posible".
O deputado Yair Lapid, líder do partido centrista Yesh Atid, criticou a Richard polos seus comentarios, e pediu á estatal France Telecom, que posúe o paquete accionario maioritario en Orange, que se distancie das súas declaracións.
"É unha hipocrisía do grao máis alto", apuntou Lapid. "Non recordo que teña problema para facer diñeiro aquí e sacar proveito dos cidadáns israelís. O Estado de Israel é unha illa de cordura nesta veciñanza difícil e certamente non aceptaremos leccións de moralidade de alguén tan santurrón e distante".
As organizacións francesas de BDS estiveron presionando ao seu goberno, que ten unha cuarta parte das accións de Orange, e á propia empresa, para poña fin á relación pola cobertura de Partner Comunicacións Ltd. nos asentamentos israelís en Cisxordania. O operador é un do tres provedores máis grandes de telefonía móbil en Israel, e ten cobertura tamén nos asentamentos. O director executivo de Partner, Haim Romano, dixo que a súa compañía ten un acordo para usar o nome de Orange por dez anos máis, e que o contrato foi recentemente renovado.
Romano declarou que a súa empresa lamenta as declaracións de Stephane Richard e teme que poida prexudicar á súa compañía e desatar a ira dos abonados israelís. En Exipto, a franquía local de Orange, Mobinil, foi tamén presionada polas protestas dos activistas do BDS debido aos negocios do xigante francés en Israel.
Desde a Asociación Galega de Amizade con Israel-AGAI estaremos moi atentos a posible confirmación desta nova e de ser así, animaremos a todos os nosos socios e amigos que teñen móbil Orange a mudar de compañía.
