Que
defensores de toda canta tiranía hai polo mundo adiante poñan o
berro no ceo porque vai a cantar unha rapaza a Santiago ten algo bó;
é clarificador. Recapitulemos; en Irán aforcan aos homosexuais de
grúas, o seu equipo nacional xogou en Compostela, e ningúen dixo
nada. A satrapía castrista leva décadas con consulado alí e de
novo ningúen dixo nada. E agora ven a cantar unha xudía israelí e
de súpeto para esta xente é un sacrilexio, ata aquí podíamos
chegar! Curioso. Fagamos
unha cousa; o día que todos estos retrógrados apliquen o mesmo
baremo a todos os países por igual, daquela pode que merezan algo de
atención. Cando prohíban expoñer a un pintor marroquí, danzar a
unha bailarina cubana, ou exhibirse a un acróbata chinés.
Evidentemente, tratándose de xudeus, os paletos de toda Europa
empregan os seus principios marxistas, do Marx sabio; se non lle
gustan, teño outros. Tamén,
postos a soñar, pode que acaben caendo na conta do patéticos que
son, pidan perdón pola súa profunda ignorancia, e acepten, como é
normal, que unha muller de Israel ten o mesmo dereito a ser
contratada e a actuar aquí como calquera persoa de calquera país do
mundo. Porque, de escoitar a ese fato de escurantistas, o único que
conseguiremos é que Galicia retroceda un pouco ata aquelas
sociedades que eles tanto envexan (de lonxe) e das que, por fortuna,
estamos cada vez máis distantes.
* membra da Xunta Directiva de AGAI