A PAZ É O ÚNICO
CAMIÑO
HAMAS DEBE DETER OS
ATAQUES CONSTANTES E PROVOCACIÓNS
Máis unha vez, desde
determinados sectores estase a pretender xerar entre a opinión
pública a sensación de que Israel está a actuar estes días por
capricho, sen ningunha provocación previa e movido seica por simple
sadismo antipalestino.
Esquecer deliberadamente
que máis dun millón de cidadans civis israelís viven a cotío
desde hai anos baixo constantes ataques terroristas desde a Franxa de
Gaza que teñen como obxectivo as cidades do sur de Israel e incluso
nos últimos horas Tel Aviv é un fraco favor a causa da
obxectividade e da boa información.
Cómpre lembrar que
Israel retirouse por completo no ano 2005 da Franxa de Gaza e poucos
meses despois o grupo terrorista Hamás tomou o control da mesma a
través dun brutal golpe fronte á lexítima Autoridade Nacional
Palestina. Golpe que deixou centos de mortos palestinos a súa
inmensa maioría militantes de Al Fatah ou funcionarios da ANP
Desde que Hamas
conquistou o control da Faixa de Gaza fixo da mesma un trampolín
para o acoso e ataque do veciño israelí. Hamás converteu de feito
a Franxa de Gaza nunha incubadora de grupos terroristas, incluindo a
células de Al Qaida. Todo isto baixo o control, o financiamento e a
responsabilidade de Hamás en tanto que única autoridade na Franxa.
Durante moito tempo
Israel mantívose na contención responsábel fronte ao constante
ataque aos seus cidadáns.
Ningún outro estado
no mundo aceptaría este tipo de ataque durante tanto tempo sen
reacciónar na defensa dos seus cidadáns. Ningún. Porque todo
estado ten o dereito e a obriga de defenderse e de defender aos seus
cidadáns de ataques terroristas.
A estratexia de Hamás,
Yihad islámica e outros grupos terroristas desde Gaza é lanzar
mísiles desde a súa propia poboación civil apuntando á poboación
civil israelí. Trátase xa que logo, dun duplo crime de guerra que
busca a reacción de autodefensa de Israel para empregando a súa
propia poboación civil como escudos humanos causar vítimas que logo
presentar aos medios de comunicación.
É importante salientar
que a pesar da ameaza e os ataques de Hamás, Israel mantén a día
de hoxe aberto o paso fronteirizo para garantir a libre circulación
de bens e material humanitario.
Desde a Asociación
Galega de Amizade con Israel-AGAI reiteramos a nosa firme aposta
pola negociación e mutuo recioñecemento como única vía para a
resolución do dramático conflito palestino-israelí e a conquista
da merecida paz para ambos dous pobos.
Vigo, 19 de novembro
de 2012
