O pasado día 10, unha delegación de AGAI formada por 22 persoas visitou a localidade israelí de Sderot. Aproveitando a nosa estadía en Israel achegámonos a Sderot para amosar a nosa solidariedade e amizade co castigado pobo de Sderot. Vítimas do terrorismo indiscriminado de grupos palestinos como Hamas e a Jihad islámica que desde a veciña Franxa de Gaza disparan a cotío mísiles kassam contra a poboación civil israelí. Lembrar que desde a retirada total israelí de Gaza no ano 2005, perto de 4000 misiles foron lanzados contra a vila fronteiriza de Sderot. Causando ate o momento 10 mortos e centos de feridos, ademais do terror psicolóxico que supón vivir coa ameaza constante. 15 segundos son os que teñen para unha vez detectado o lanzamento do mísil desde Gaza tentar atopar un refuxio seguro. A vila de Sderot fica chea de refuxios blindados nas rúas e parques.
A delegación de AGAI foi recibida na Fundación Sderot onde o seu presidente, Pedro Gómez-Valadés fixo entrega dunha figura de Sargadelos -unha pomba da paz- cunha placa na que podía lerse: "En Solidariedade e Amizade co Pobo de Sderot". Posteriormente visitamos a sede da policia de Sderot onde se almacenan centos de restos de kassam caidos desde o ano 2005.
Na sede da Fundación Sderot
Restos de kassam
Un kassam caído poucas horas antes da nosa visita
O autobús do grupo de AGAI
Na interior da sede da Fundación Sderot
Perante un dos moitos refuxios que inzan as rúas de Sderot
No almacén da policia de Sderot
Pedro Gómez-Valadés no momento da entrega da figura de Sargadelos de lembranza da visita solidaria de AGAI
No interior da Fundación Sderot
Avi Zavaro sostén nas súas mans a figura de Sargadelos cunha placa na que pode lerse: "En Solidariedade e Amizade co Pobo de Sderot".
