A profesora Gloria de Antonio Rubio é doutora de Historia Medieval pola UNED. Actualmente é investigadora no CSIC-Instituto de Estudios Galegos "Padre Sarmiento". Moi recentemente foille outorgado o premio Samuel Toledano 2008 polo seu libro "Los judios en Galicia (1044-1492)" Este prestixioso premio é concedido anualmente e presentado en Xerusalén, levando o nome de Samuel Toledano, quen foi un dos grandes renovadores da comunidade xudía en España. O premio é concedido a un investigador de Israel e a outro de España, que traballan no estudo das comunidades xudías en España e nos países da diáspora sefardí: a súa historia e o seu legado cultural así como as relacións entre España e Israel. O premio está dotado de 15.000$ para cada un dos dos galardoados. A comisión do Premio está presidida polo Sr. D. Yitzhak Navón, quen foi quinto Presidente do Estado de Israel e a compoñen destacados membros do campo académico e personalidades do ámbito público (político, cultural, etc.) israelí así coma representantes da familia Toledano.
O vindeiro día 9 de Novembro recolerá en Xerusalén o premio de mans de Isaac Navón e Tzipi Livni.
Charlas-coloquio
"Os xudeus na Galicia medieval"
En Santiago o venres 10 de Outubro ás 20:00 horas no Clube Internacional de Prensa sito na Avenida da Coruña 6 baixo (VER MAPA AQUÍ)
En Vigo o venres 24 de Outubro ás 19:30 horas na Casa do Libro, sita na rúa Velázquez Moreno 27 baixo (VER MAPA AQUÍ)
Entrada libre
