05/08/08

O museo de Auschwitz en perigo de desaparición por falta de fondos


O museo de Auschwitz-Birkenau en perigo de desaparición por falta de fondos.
Son necesarios máis de 60 millóns de euros para asegurar o seu funcionamento

Varsovia. (EFE).- O museo do campo de exterminio nazi de Auschwitz (sur de Polonia) ten un futuro incerto se non consegue máis fondos para o seu financiamento, xa que o seu orzamento é insuficiente e, segundo a dirección, son necesarios máis de 60 millóns de euros para asegurar o seu funcionamento. O director do museo, Piotr Cywinski, afirmou hoxe á prensa que un lugar da importancia de Auschwitz "debería de recibir axudas internacionais pola súa relevancia", e destacou o elevado custo que ten manter o que "é considerado o maior monumento á memoria histórica de todo o mundo". Ésta achega internacional é simbólica, e non supera os 190.000 euros anuais, informou hoxe o diario Dziennik, que alertou do risco de que o museo de Auschwitz poida pechar as súas portas ante esta falta de fondos. Desde que este museo púxose en marcha, hai máis de 60 anos, o estado polaco asume o seu custo, cunha achega próxima aos tres millóns de euros anuais. "Se a nosa necesidade fora a de arranxar os tellados, entón serían suficientes 15.000 euros, por exemplo, pero se trata de desvelar e protexer a historia", engadiu Cywinski, quen insistiu na perentoria necesidade de diñeiro. O museo do campo de concentración de Auschwitz recorda o xenocidio nazi, que tivo neste lugar un dos seus principais escenarios, con máis dun millón de persoas, na súa inmensa maioría xudeus, asasinados na considerada "fabrica da morte". En 1979 foi declarado Patrimonio da Humanidade pola UNESCO e, cada ano, recibe a visita de visitantes de todo o mundo.