IMAXES DA CHARLA-COLOQUIO DE ABRAHAM B.YEHOSHÚA EN COMPOSTELA.

O escritor israelí Abraham B.Yehoshúa nun intre da súa charla. A súa dereita Edwin Yabo.
Abraham B.Yahoshúa e Edwin Yabo
Edwin Yabo, Agregado Cultural da Embaixada de Israel e quen tivo a amabilidade de exercer de tradutor, Abraham B.Yehoshúa (centro) e Pedro Gómez-Valadés.
O Presidente da Asociación Galega de Amizade con Israel no momento de presentación do acto. Á súa dereita, Abraham B.Yahoshúa.

Tivo lugar onte en Compostela a Chala-coloquio que aproveitando a presenza en Santiago para recoller o Premio Arcebispo San Xoán Clemente recibiu o gran escritor israelí, Abraham B.Yahoshúa, organizou a nosa Asociación. A charla que sob o título de:"Xudeu, Sionista e Israel, aclarando conceptos", foi un tremendo éxito tanto de público como pola claridade da exposición do conferenciante. No remate da súa intervención tivo lugar unha quenda de preguntas que contribuiron sen dúbida a enriquecer a xa de por si, didáctica e brillante conferencia.

Fixo Abraham B.Yahoshúa, escritor que xunto a outros escritores israelís da talla de Amos Oz ou Dacid Grossman, fica inserido no que é denominada "esquerda literaria" israelí.

Mención moi especial á axuda e colaboración inestimábel do señor Edwin Yabo pola súa áxil e amena tradución que fixo posíbel a fermosa experiencia de escoitar e de comprender hebreo na noite compostelá. Hebreo que é exemplo da capacidade que todo pobo ten para normalizar a súa lingua, a súa cultura se ten a firme vontade de facelo. Israel é un exemplo da irredutíbel vontade dun pobo de Ser e de poder vivir en Paz no concerto das nacións.

O noso agradecemento tamén ao Clube Internacional de Prensa de Compostela pola súa colaboración na cesión das súas magníficas instalacións.