03/10/16

Primeira sentenza dun Tribunal Superior en España en contra do boicot a Israel


O xoves pasado o Tribunal Superior de Xustiza de Asturias rexeitou en termos moi claros o recurso presentado polo Concello de Langreo contra sentenza que anula e deixa sen efecto o boicot contra Israel e as empresas ou individuos que non se opoñan ao Estado Xudeu.

Tras a demanda interposta por Angel Mas, Presidente de ACOM, o Xulgado 4 de Oviedo decidiu en primeira instancia a suspensión do boicot, e posteriormente a súa anulación definitiva ao consideralo discriminatorio. O Tribunal Superior de Xustiza de Asturias rexeitou o recurso do Concello de Langreo (gobernado por Izquierda Unida e Podemos) para revogar a devandita decisión, confirmando como ilegal o acordo institucional de boicot a Israel.

O Tribunal Superior de Asturias confirma que o Concello carece de competencias para decretar un boicot internacional e para alterar a Directiva Europea e a lexislación nacional en materia de contratación pública. Ademais, o Tribunal recalca o flagrante carácter inconstitucional e discriminatorio do boicot e a falta de neutralidade que este representa.

Adicionalmente, o Tribunal Superior de Xustiza lexitimou as iniciativas legais  de ACOM contra o boicot. O tribunal considera que ACOM está lexitimado para emprender accións legais ante a difamación ou discriminación contra os israelís. Esta é a primeira sentenza dun tribunal superior sobre o BDS en España, despois de que un grande número de tribunais ordinarios emitisen sentenzas contra ese movemento antisemita por todo o país, acabando deste xeito coa súa impunidade.