Onte sábado día 3 de setembro tivo lugar na vila de Tui o II Sehudat Shabat organizado pola nosa asociación. Os máis de 60 asistentes dan boa mostra do éxito crecente desta actividade encetada hai dous meses no que foi o I Sehudat Shabat en Monforte de Lemos. Xornadas estas que procuran a recuperación da memoria histórica dos xudeus galegos nas vilas e cidades nas que iremos de vagar organizando por toda Galicia e que combinan cultura, gastronómía e boa camaradería entre amigos. No Sehudat Shabat de onte contamos coa asistencia do Alcalde de Tui, D.Moisés Álvarez Pérez, a concelleira de cultura, Vanesa Rodríguez Pereira, o director da Biblioteca de Tui, Rafael Sánchez Bargiela, o concelleiro de Converxencia XXI Carlos Vázquez Padín ao que acompañou toda a Executiva Nacional de Converxencia XXI, Luciano Moura da Comunidade xudía de Porto e do historiador Suso Vila quen previamente guiara aos asistentes á xornada polo Tui xudeu nunha moi amena e didáctica visita guiada.
O mestre Don Álvaro Cunqueiro (gran enamorado da cultura xudía e profundo estudoso da presenza e pegada xudía na nosa terra) afirmaba que o estómago é a porta da alma. Salientar tamén a lembranza especial que no Sehudat tivemos para co soldado israelí Gilad Shalit secuestrado desde hai cinco anos polo grupo terrorista islamista palestino Hamas e para o que reivindicamos a súa posta en liberdade inmediata.
Deica o III Sehudat Shabat de AGAI!!
